Дзень роднай мовы асаблівы для кожнай нацыі, кожнага народа, бо няма народа без мовы, няма мовы без яго носьбіта. Мова – частка чалавечай культуры, гістарычнай спадчыны. Дзякуючы ёй працягваюць жыць традыцыі. Мова абуджае цікавасць да пазнання свету, садзейнічае праяўленню павагі да нашага мінулага і служыць элементам аб’яднання людзей незалежна ад месца і часу іх пражывання.

З нагоды гэтага 19 лютага ў 18:00 малая зала Палаца культуры ветліва расчыніць дзверы для гасцей музыкальна-паэтычнай праграмы народнага аматарскага аб’яднання «МузАльянс» пад назвай «Жывы выток зямлі беларускай», дзе ўсе прысутныя змогуць дакрануцца да творчасці таленавітых беларускіх паэтаў, пісьменнікаў, выканаўцаў і музыкантаў, да пяшчотнай, мілай слыху і сэрцу роднай мовы.

Уваход свабодны.